[Sjaldan eru él góð nema ef vera skyldi Daníel...]

Fylgstu með okkur:

Fréttir

maí16
Í þeim garði enginn grætur - Vortónleikar Kammerkórsins
þriðjudagur, 16. maí 2017 | Kammerkór Hafnarfjarðar skrifaði



Vortónleikar Kammerkórs Hafnarfjarðar verða haldnir í Hásölum, sal Tónlistarskóla Hafnarfjarðar, sunnudaginn 21. maí kl. 20:00.

Á efnisskrá tónleikanna verða eingöngu fluttir textar eftir Halldór Laxness. Ljóð Halldórs hafa staðið í skugganum af skáldsögum hans, en eru engu að síður merkur þáttur af höfundarverki hans.

Mörg lög hafa verið samin við ljóð hans og verða nokkur þeirra sungin á tónlekunum.

Miðaverð er 2000 kr. en 1500 kr. fyrir eldri borgara, námsmenn og lífeyrisþega.

Einnig er minnt á að alltaf er hægt að gerast styrktarfélagi. Fyrir 6500 krónur fær styrktarfélagi tvo miða á næstu þrenna tónleika kórsins.

Eyðublað og nánari upplýsingar um greiðslufyrirkomulag eru á styrktarfélagasíðunni.

[Varanlegur tengill á þessa færslu]
mar.16
Söngvar á vorjafndægri
fimmtudagur, 16. mars 2017 | Kammerkór Hafnarfjarðar skrifaði

Kammerkór Hafnarfjarðar, undir stjórn Helga Bragasonar og Kvennakór Garðabæjar, undir stjórn Ingibjargar Guðjónsdóttur, halda sameiginlega tónleika miðvikudaginn 22. mars kl. 20 í Guðríðarkirkju.

Á tónleikunum verður flutt einstaklega fjölbreytt efnisskrá með íslenskri og erlendri kóratónlist, m.a. eftir Jón Ásgeirsson, Hildigunni Rúnarsdóttur, Eric Whitacre, Sephen Paulus, Frode Fjellheim og Morten Lauridsen. Kórarnir syngja eigin efnisskrá auk sameiginlegra laga.

Boðið verður upp á kaffi og konfekt eftir tónleika.

Aðgangseyrir er 2500 kr. og 1500 kr. fyrir lífeyrisþega.

[Varanlegur tengill á þessa færslu]
apr.28
Fuglar og fiðrildi – og aðrir vorboðar
fimmtudagur, 28. apríl 2016 | Kammerkór Hafnarfjarðar skrifaði

Fuglar og fiðrildi 2016Vortónleikar Kammerkórs Hafnarfjarðar 2016 bera yfirskriftina Fuglar og fiðrildi og aðrir vorboðar.

Sunnudaginn 1. maí verða þeir haldnir í Vinaminni á Akranesi og hefjast klukkan 17:00. Aðgangur er ókeypis.

Viku síðar, sunnudaginn 8. maí verða þeir haldnir í Hafnarborg í Hafnarfirði klukkan 20:00. Miðaverð er 2000 krónur en 1500 krónur fyrir námsmenn og eldri borgara.

Á tónleikunum verða fluttir vorboðar af ýmsum toga, allt frá frönskum madrígölum til laga eftir Billy Joel og Bítlana.

Stjórnandi Kammerkórs Hafnarfjarðar er sem fyrr Helgi Bragason.

[Varanlegur tengill á þessa færslu]
des.3
Syngjandi jól í Hafnarborg
fimmtudagur, 3. desember 2015 | Kammerkór Hafnarfjarðar skrifaði

Syngjandi jól, árleg kórahátíð hafnfirskra kóra á aðventu, verður haldin í Hafnarborg laugardaginn 5. desember. Hátíðin er í nánum tengslum við Jólaþorpið sem er opið á sama tíma við alla Strandgötuna.

Kammerkór Hafnarfjarðar stígur á svið klukkan 15:40 og syngur úrval laga af nýafstöðnum aðventu- og jólatónleikum.

Nánari dagskrá má nálgast á vef Hafnarfjarðarbæjar.

[Varanlegur tengill á þessa færslu]
nóv.17
Aðventu- og jólatónleikar
þriðjudagur, 17. nóvember 2015 | Kammerkór Hafnarfjarðar skrifaði

Aðventu- og jólatónleikar 2015Aðventu- og jólatónleikar Kammerkórs Hafnarfjarðar verða haldnir í Hásölum, sal Tónlistarskóla Hafnarfjarðar, þriðjudaginn 1. desember og miðvikudaginn 2. desember kl. 20.00.

Á tónleikunum syngur Kammerkórinn úrval aðventu- og jólalaga auk annarra söng- og kórverka og lofar að koma öllum í hátíðarskap.

Gestir kórsins að þessu sinni eru Ingibjörg Guðjónsdóttir, sópran og Ástríður Alda Sigurðardóttir, píanóleikari.

Að venju sitja tónleikagestir til borðs og þiggja kaffi og konfekt í hléi.

Aðgangseyrir er kr. 2.000 og 1.500 fyrir eldri borgara.

Við minnum einnig á að alltaf er tekið við nýjum styrktarfélögum. Fyrir 6.000 krónur fær styrktarfélagi tvo miða á næstu þrenna tónleika kórsins. Þannig fæst hver miði á 1.000 krónur. Nánari upplýsingar eru á styrktarfélagasíðunni.

[Varanlegur tengill á þessa færslu]

Fréttir

apr.30
Næstu tónleikar
fimmtudagur, 30. apríl 2015 | Kammerkór Hafnarfjarðar skrifaði

Næstu tónleikar Kammerkórsins verða haldnir sunnudaginn 17. maí kl. 20:30.
Nánari upplýsingar koma seinna.

[Varanlegur tengill á þessa færslu]
mar.4
Stolin stef í Hafnarborg
miðvikudagur, 4. mars 2015 | Kammerkór Hafnarfjarðar skrifaði

Næstu tónleikar Kammerkórs Hafnarfjarðar verða haldnir í Hafnarborg sunnudaginn 15. mars, undir  yfirskriftinni Stolin stef. Lögin sem sungin verða á tónleikunum eru öll útsett af Gunnari Gunnarssyni, píanóleikara.

Efnisskráin samanstendur af öllu frá sálmum yfir í djassskotnar dægurlagaútsetningar. Um helmingur laganna er eftir Tómas R. Einarsson, bassaleikara. Því þykir við hæfi að Gunnar og Tómas verði gestahljóðfæraleikarar kórsins á þessum tónleikum.

Stjórnandi Kammerkórs Hafnarfjarðar er sem fyrr Helgi Bragason.

Tónleikarnir hefjast klukkan 20:00. Aðgangseyrir er 2000 krónur.

Við minnum einnig á að alltaf er hægt að gerast styrktarfélagi Kammerkórsins. Fyrir 6000 króna áskriftargjald fást tveir miðar á næstu þrenna tónleika kórsins. Þannig fær styrktarfélagi hvern miða á 1000 krónur. Nánari upplýsingar og eyðublað eru á styrktarfélagasíðunni.


KYNNINGARMYNDBAND:

[Varanlegur tengill á þessa færslu]
feb.16
Árshátíð 2015
mánudagur, 16. febrúar 2015 | Kammerkór Hafnarfjarðar skrifaði

Þema árshátíðarinnar 2015 eru hattar og höfuðfötÁrshátíð Kammerkórs Hafnarfjarðar verður haldin laugardaginn 21. febrúar í Bjarkahúsinu að Haukahrauni í Hafnarfirði. (Sjá á korti). Gleðskapurinn hefst klukkan 19:00.

Hver kórfélagi kemur með veitingar til að setja á sameiginlegt hlaðborð. Matarval er frjálst, en gott er að hafa í huga að um einskonar kvöldmat er að ræða. Einnig skal hver og einn koma með sína eigin drykki.

Þema árshátíðarinnar að þessu sinni eru hattar og höfuðföt.

Á árshátíðinni verður sýnt myndband frá Berlínarferðinni síðasta sumar. Einnig má gera ráð fyrir öðrum skemmtiatriðum.

Makar eru hjartanlega velkomnir, sem og gítarar og önnur hljóðfæri.

[Varanlegur tengill á þessa færslu]
feb.4
Næstu tónleikar
miðvikudagur, 4. febrúar 2015 | Kammerkór Hafnarfjarðar skrifaði

Næstu tónleikar kammerkórsins verða haldnir sunnudaginn 15. mars klukkan 20:00.

Nánari upplýsingar um þá verða gefnar síðar.

[Varanlegur tengill á þessa færslu]
jan.7
Gleðilegt ár
miðvikudagur, 7. janúar 2015 | Kammerkór Hafnarfjarðar skrifaði

Starfsemin er nú að komast í samt lag eftir jólafrí og verkfall.

Fyrsta æfing ársins 2015 verður haldin í kvöld, 7. janúar, á sama stað og tíma og venjulega.

[Varanlegur tengill á þessa færslu]

Atburðir framundan

17. maí 2017 kl. 20:00
Æfing

21. maí 2017 kl. 20:00
Tónleikar í Hásölum